Stralcio dalle Preghiere popolari di Domenico Giuseppe Bernoni
Ancuò xè Venare
Ancuò xè Venare,
El di che xè morto ‘l nostro Signor.
« Tute le fogie de alboro se comovono:
Tute quele che nel mondo si ritrovano,
Tanto la granda, quanto la picola. »
Cussì disse el Nostro Signor streto ligato,
E co le santissime sue cinque piaghe insanguinato.
Dise la Beatissima Vergine Maria:
– Oh, caro Figliuolo, la vostra pena è molto granda! –
– Oh, cara Madre, la vostra parola è pur vera. –
Se al mondo se ritrovasse chi al Venare tre volte la disesse e che mai no la falasse, cavaria tre anime dal Purgatorio: una perso padre, una per so madre e una anca per elo.
Chi vol sentir
Chi vol sentir el pianto de Maria,
Divotamente ascolta ste parole:
I barbari Giudei, con un gran torto,
El caro suo Figliuol i volea morto.
Sentindo questo, Madre Maria
La casca in tera morta trasmortìa.
E va tre Sante Done a visitarla,
Co ‘I fazzoleto i oci ghe sugava;
…
…
Ecola giunta ai piedi de la croce,
Pianzando e sospirando de gran cuore.
El suo Figliuolo ghe risponde intanto:
– Oh, cara madre, do star pianzer tanto;
Parchè el to pianto me xè un fogo ardente,
E sora el capo mio me xè un bogiente. –
…
…
– E ti, barbaro, vatene via de quà;
El mio Figliuol su le mie brazzie me sia racomandà (1). – Questa xè la orazion de la Madona;
E chi la sà, la diga;
E chi no la sà, se la fazza dir;
Per trentasie matine no falir,
De mala morte no la ve farà morir;
Se andare in aqua, no la ve farà negar;
Se andare in fogo, no la ve farà brusar;
Tre volte l’ano la ve vignarà a visitar:
De Nadal, de Pasqua, de mezo istà.
La mia anema ve sia racomandà!
(1) Queste parole si vorrebbero direlte al Giudeo Malco, sul conto del quale corre la Leggenda che qui viene riportata tal quale:
MALCO A LA COLONA. Malco el giera el capo dei Giudei che ga fato morir Nostro Signor. El Signor ga perdonà a tuti, e anca al bon ladron; ma a Malco no ‘l ga mai perdonà, parché el xè stà quelo che ga dà un s’ciafo a la Madona. El l’a confinà s’un monte, e ‘l là condanà a girar, senza mai fermarse, atorno atorno a ‘na colona finchè mondo sarà mondo. Ogni volta ch’el gira atorno, el ghe dà un s’clafo a sta colona per ricordo del s’ciafo che el ga dà a la Mare del Signor. Forza de caminar e de caminar atorno sta colona, el s’à fonda: e adesso el xè finamente al colo; e quando el sarà soto co la testa e tuto, xe terminà el mondo, e Idio pò el destinarà in dove che el ga da metarlo. A tuti quei che va a vedarlo, parche ghe ne xè de quei che ghe va, el ghe dimanda se ghe xè ancora done che fruta; e, co’i ghe dise de si, el trà un gran sospiro e el torna a girar, e el dise: – Ghe xè tempo! — parchè, prima che vegna, la fin del mondo, le done le ga da star set’ ani senza frutar.
L’orazion del Venare.
(Frammento).
…
Quei cani Giudei ve l’à ligato,
Sul Monte Calvario i l’à menato,
La corona d’ oro i ga levato,
E quela de spini i ga presentato.
Chi tre volte al Venare la dirà,
Le pene de l’Inferno no tocarà;
E chi tre volte al Venare la farà dire,
De mala morte no potrà morire.
E Maria del gran lemento.
…
E Maria del gran lemento
S’ à parti dal movimento (1),
Co gran pianto, co gran vose,
A çercar el Legno de la Crose.
Umilmente lo cercò,
Umilmente lo trovo.
– E mi son Madre Maria,
Che porto in peto ‘na gran dolcia! –
Zenocio nudo,
Tera sagrà,
Candela impizzà:
No ghe sarà nè don, nè grazia,
Che el Figliuol di Dio no ve la fazzia. (1)
« Ne le orazion se dise anca dei spropositi; ma no conta. Idio sà che nualtri no semo boni de dirle giuste, e ghe basta che, co’ lo se dise, ghe sia el cuor e la fede: che vol dir la bona intenzion. »
Quando è rissussitato . .
Quando è rissussitato el Nostro Signor,
El dise: – Oh Madre, oh Santa Vergine Maria!
Le mie cinque piaghe cossa che le me dolìa! –
Se fusse qualche cristian o qualche cristiana
Che me la disesse tre volte il giorno
per bontà, per cortesia,
Nove pecati al giorno ghe perdonaria.
Se fusse un mese avanti la so morte,
Un Anzolo del siel ghe mandaria;
Se no, Nostro Signor istesso ghe vegnaria.
O gente che passate…
O gente, che passate per la via,
Venite a visitar questo dolente;
L’è scrito per le mani de Maria,
Quela de Gesù Cristo onipossente:
« La se n’andava ai piedi de la Croce,
» Chiamando ‘l suo figliuol de alta voce,
» Chiamando ‘l suo figliuol di vero cuore:
» – Questa è la volta che lo trovo morto!-
» Per le cinque ferite che l’aveva,
» Do su le sante brazzie, e do su i santi piedi,
» E quela del santissimo costato,
» Che el sangue ghe butava mescolato.
» Oh, sangue, sangue sparso per el mondo,
» Andando in paradiso a l’altro mondo! »
Chi la dirà e chi la farà dire,
De mala morte no potrà morire.
E chi tre volte ‘l di farà dir questa,
Idio ghe l’ascrivarà per una messa;
E mi l’ò dita, e lori i l’à ascoltada:
In ciel e in tera la sarà presentada. Ame.
Spirito Santo…
Spirito Santo, de tute le ore
Vegnite a visitar l’anima mia;
Fate che sia serva del Signore,
Devota de la Vergine Maria.
A la Madona gò donà ‘l mio cuore,
Per essar scrita in la sua compagnia;
E me revolgo con dolore e pianto:
Me recomando a vu, Spirito Santo
Verbum Dei.
Verbum Dei, Nostro Signore,
Che è dipinto su la Croce;
E la Croce è tanto bela,
Che la vien dal siel in tera;
E la Croce è tanto dolorata,
Che la gloria di Dio ne l’ à guadagnata.
Ve saludo, bela Dama.
Ve saludo, bela Dama;
Vu se’ figlia de Sant’Ana,
Vu se’ madre de lo Re:
Socorè quei che podè.
Ve saludo, verzenela,
Che del ciel parè ‘na stela!
Quela bela compagnia:
Gesù, Giusepe e Maria!
Ve saludo, gran Regina;
Se’ ‘na bela pelegrina,
Camivando in ne l’Egito
Con Giusepe e Gesù Cristo.
Gesù Cristo caminava,
Tuti i albori s’inchinava
Per veder la sua presenza,
Per portarghe riverenza.
Co’ i xè rivai in Egito,
I à trovà un picolo sito
Co ’na povara caseta,
Co ’na picola staleta.
Gesù Cristo d’ani sete
Sempre stè in Nazarete,
Quela patria de Maria,
Quela bela compagnia.
De dodese ani determinava,
E nel Tempio desputava;
E fasseva gran dotori,
E fasseva gran stupori.
Nel veder la sua presenza,
Nel sentir la sua sapienza,
Tuta quela compagnia:
– Questo xè el vero Missia. –
Quando è giunta la sua madre,
Tute quante quele squadre
Ghe diseva: – Vostro figlio
Ga ‘n’ idea da paradiso. –
Gesù Cristo de trentatré ani
Scomenziava i so afani;
E Maria con gran dolor
Contemplava la so Passion.
Gesù Cristo giera in croce
Che pativa pene atroce:
A Maria, che lagrimava,
Gesù Cristo ghe parlava:
– Madre mia, so’ in tanti afani;
Vostro figlio sarà Giovani. –
.
.
I là tolto da la croce,
E Maria con bassa voce:
– Figlio mio, quanti dolori
Per sti povari pecatori! –
E Maria co un gran pianto
Lo portò in Sepolcro Santo;
Co le tre Marie po insieme,
Ritornò in Gerusaleme.
Da:
Preghiere popolari veneziane
Raccolte da Dom. Giuseppe Bernoni